تسالنى ليه بحبك

تسألني ليه احبك ..؟ واسالك نفس السؤال
............................. ليه احبك..؟ جاوبني .. يمكن انت تعرف
ليه انا قلبي تعلق فيك ... ياولد الحلال
.............................. ..ليه وش معنى عشقتك دون كل هالعالمين
هل لاني شفتك فيك الحسن كله والدلال
.............................. .... اولاني شفت فيك الثقل والطبع الرزين
اولانك في عيوني صرت ايه بالجمال
.............................. ....... اولانك استطعت.... للمشاعر تملك
او لان الحظ جابك لي بعد ماقفى وحال
.............................. ..او لان الله كتب لي اعشقك واحيا السنين
علمني ليه احبك..؟ ليه قلبي معك مال..؟
.............................. ... ليه دمعاتي تناثر .... كل ماانت تبعد
ليه دايم في خيالي صورتك في كل حال
.............................. في فرحه والا بتعاسه.. في شقى والا بحنين
ليه طيفك في عيوني مايـبارح هالمجال
.............................. شاغل فكري وبالي ....كل لحظه وكل حين
ليه كل ماقلت ابنسى صاحت جروحي محال
.............................. .كيف تنسى طب جرحك .. كيف ايامك تزين
آآآآآه .. ياكم سؤال حاير وسط الخيال
.............................. .... وآآآآه .. ياوين الجواب اللي يريحني سنين
اسأل اسوار المدينه عنك وانقاض الجبال
.............................. ..... اسأل رمال الصحاري واسأل الليل الحزين
واسأل دموعي الغريقه ليه دمعي منك سأل
.............................. ..... ليه قلبي فيك هايم .. وش هو السر الثمين
ليه .. مادري ..بس عشقتك .. عشق لحد الهبال
.............................. ... وصرت ماشوف بعيوني .. غير زينك اي زين
و تسالني ... ليه احبك وليه ميت على الوصال
.............................. .. ليه مدري..... صدقني ... نفسي ماعندي يقين
ودي اعرف ياعيوني وش اجابة هالسوال
.............................. .. ليه احبك...؟ جاوبني... يمكن انت تعرف